سياسة الخصوصية
يُؤْدَم لعبة أسئلة للتعارف الواعي قبل الجواز، معمولة للكبار (١٨ سنة أو أكتر).
يُؤْدَم من تطوير يُديم.
بنحفظ إيه
- الإيميل: عشان تدخل حسابك، ونتأكد إن ورا الحساب شخص حقيقي.
- الاسم اللي يظهر في اللعبة: مش لازم يبقى اسمك الحقيقي.
- اللي بتختاره في التعارف: صيغة الكلام، وسنة الميلاد، والمدينة لو حبيت تكتبها، وشكل الأفاتار.
- إجاباتك على أسئلة اللعبة.
- لو ربطت حسابك بحد: اللعب والمقارنات اللي بينكم.
إجاباتك ليك إنت
- محدش يشوف إجاباتك، إلا شريكك في اللعب، وبس في الحاجات اللي إنتوا الاتنين وافقتوا عليها.
- الأسئلة الحساسة اختيارية، وتقدر تتخطاها.
- فريق يُؤْدَم بيشوف بيانات الحساب بس: الإيميل، والاسم اللي بيظهر، وصيغة الكلام، وتاريخ التسجيل، وآخر مرة استخدمت فيها التطبيق، وعدد المحطات اللي خلّصتها، ولو حسابك مربوط بحد ولا لأ. عمرنا ما بنشوف إجاباتك.
- وبنشوف أرقام مجمّعة عن كل المستخدمين مع بعض، من غير ما تبان أي حد: عدد المستخدمين والأيام اللي استخدموا فيها التطبيق، وتوزيع صيغة الكلام والمدن، ونوع الجهاز والمتصفح، وعدد المحطات والألعاب، ورقم السؤال اللي الناس بتوقف عنده في كل محطة (رقمه بس، من غير الإجابة).
- لو حصل عطل في التطبيق، بنسجّل نوع المشكلة والصفحة اللي حصلت فيها، من غير أي بيانات شخصية، عشان نصلّحها.
- لو اخترتوا مرحلتكم (بنتعرّف، مخطوبين، كاتبين الكتاب)، بنعدّ عدد الأزواج في كل مرحلة كأرقام بس، من غير أسماء.
- ممكن نبعتلك رسالة جوّه التطبيق عن خدمة يُؤْدَم (زي محطة جديدة أو تحديث)، تظهر في الرئيسية وتقدر تقفلها. دي مش إعلانات تجارية.
مش بنعمل إيه
- مش بنبيع بياناتك.
- مش بنشاركها مع أي حد.
- مش بنستخدمها في إعلانات.
فين
التطبيق شغال على خدمات Google Firebase، وبياناتك محفوظة عندهم بأمان.
نسخة الأندرويد
لو نزّلت نسخة الأندرويد (APK) من موقعنا، دي نفس اللعبة ونفس سياسة الخصوصية.
إنت متحكم
من «الخصوصية وبياناتي» تقدر:
- تنزّل نسخة من بياناتك.
- تعدّل إجاباتك.
- تمسح حسابك وكل اللي فيه نهائيًا.
تواصل معانا
yudamapp@gmail.com